Pakistanın Bəlucistan əyalətində məscid yaxınlığında törədilən intiharçı hücumda biri polis olmaqla, 52 nəfər həyatını itirib.
Busaat.az xəbər verir ki, bu barədə yerli mətbuat məlumat yayıb.
Bildirilib ki, Pakistanın Bəlucistan əyalətinin Məstunq bölgəsində Məhəmməd Peyğəmbərin (s) mövludu Mövlud Qəndili münasibətilə çoxlu insanların toplaşdığı Mədinə məscidinin yaxınlığında bombalı hücum olub.
Nəticədə 52 nəfər həyatını itirib, 130-dan çox insan yaralanıb.
Hücumçunun polis maşınının yaxınlığında özünü partlatdığı bildirilir.
Yaralılar ətraf xəstəxanalara aparılarkən, bütün xəstəxanalarda fövqəladə vəziyyət elan edilib. Hələlik heç kim hücuma görə məsuliyyəti üzərinə götürməyib.
