Pakistanda terror aktı nəticəsində 4 polis həlak olub

image-pakistan-afganistan-border-reu-1969778_2backend

Pakistanda polis məntəqəsinə və ora dəstək üçün gələn təhlükəsizlik işçilərinə hücum nəticəsində 4 polis həyatını itirib, 6-sı yaralanıb.

Busaat.az xəbər verir ki, yerli medianın məlumatına görə, silahlılar gecə saatlarında Lakki Marvat rayonunda Səddar Polis İdarəsinə hücum ediblər.

Hücumdan dərhal sonra bölgəyə kömək üçün gələn polis maşını bombalı hücumun hədəfinə çevrilib.

Baş nazir Şahbaz Şərif “Twitter” hesabından verdiyi açıqlamada polisin terrora qarşı göstərdiyi fədakarlıqların unudulmayacağını bildirib.

Hələlik baş verən terror hücumu  ilə bağlı heç kim məsuliyyəti üzərinə götürməyib.

Qeyd edək ki, son vaxtlar Pakistanda, xüsusən də Hayber Paxtunxva və Bəlucistan əyalətlərində terror hücumlarının sayı artıb.

Rəsmi İslamabad bildirir ki, hücumlar Əfqanıstanda yerləşən Pakistan Talibanı (TTP) tərəfindən planlaşdırılıb və idarə olunub. Əfqanıstan tərəfi isə bu iddiaları rədd edir.

Busaat.az

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90