Papa Fransisk sabah səhər xəstəxanadan buraxılacaq – Vatikan

image-papa-iha-2021297_2backend

Xəstəxanaya yerləşdirilən  Papa Fransiskin bu gün səhər aparılan analizlərdən sonra sabah səhər evə buraxılacağı gözlənilir.

Busaat.az xəbər verir ki, bu barədə Vatikandan məlumat verilib.

Vatikan sözçüsü Matteo Bruni, nəfəs darlığı səbəbiylə Romadakı Gemelli xəstəxanasına aparılan Papanın vəziyyəti ilə bağlı yazılı açıqlama verib.

Papanın axşam yeməyində xəstəxanada ona xidmət edən həkimlər, tibb bacıları, köməkçiləri və jandarma işçiləri ilə pizza yediyini bildirən Bruni, deyib: “Bu gün səhər yeməyindən sonra bir az qəzet oxudu və işə qayıtdı. Son sınaqlarının nəticələrindən sonra, sabah Santa Martadakı evinə dönəcəyi gözlənilir”.

O, qeyd edib ki, Papanın xəstəxanadan çıxdıqdan sonra Müqəddəs Pyotr meydanında keçiriləcək  “Palma bazarı” məclisində iştirak edəcəyi gözlənilir.

Qeyd edək ki, Papanın xəstəliyi səbəbindən gələn həftə reallaşacaq Pasxa ayinlərinə kimin rəhbərlik edəcəyi İtaliya mətbuatında maraq doğururdu.

Busaat.az

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90