
Papa Laçın yolunda baş verənlərdən narahatdır
Cənubi Qafqazda Laçın yolunda baş verən proseslər məni narahat edir.
Busaat.az xəbər verir ki, bunu Papa Fransisk deyib.
Papa Fransisk Vatikanın Müqəddəs Pyotr meydanında qılınan ənənəvi bazar namazı zamanı Qafqazda baş verən hadisələrə toxunub: “Cənubi Qafqazda Laçın yolunda baş verən proseslər məni narahat edir. Xüsusilə qış mövsümündə insanların daha çox çətinliklə üzləşəcək humanitar şərtlərinə biganə qalmaq olmaz. Bununla əlaqədar hər kəsi xalqın rifahı üçün sülh yolu ilə həll yolları tapmağa çağırıram”.
Katoliklərin ruhani lideri həmçinin Peruya sülh arzulayıb və bu ölkədə zorakılığa son qoymaq və xalqa təsir edən siyasi və sosial böhranı aradan qaldırmaq üçün dialoqa çağırıb.
Busaat.az























