Paşinyandan Azərbaycanla bağlı vacib açıqlama

image-pasinyanbackend

Ermənistanın baş naziri Nikol Paşinyan Rusiyanın Vladivostok şəhərində keçirilən Şərqi İqtisadi Forumunda çıxış edib.

Qaynarinfo xəbər verir ki, baş nazir Azərbaycanla sərhədlərin açılmasından və Cənubi Qafqazda nəqliyyat-kommunikasiya əlaqələrinin bərpası üzrə komissiyanın işindəki irəliləyişdən bəhs edib:

“Ermənistan Azərbaycanla sərhədlərin açılmasında maraqlıdır. Bu prosesin Rusiyanın dəstəyi ilə başa çatdırılmasını gözləyirik. Cənubi Qafqazda nəqliyyat-kommunikasiya əlaqələrinin bərpası üzrə üçtərəfli komissiyanın fəaliyyətində irəliləyiş var, lakin hələ ki bütün məsələlər həllini tapmayıb”, deyə hökumət başçısı bildirib.

Paşinyan Türkiyə ilə münasibətlər barədə də danışıb. Qeyd edib ki, rəsmi İrəvan Türkiyə ilə münasibətlərin normallaşdırılmasında maraqlıdır: “Ermənistan Rusiyanın dəstəyi ilə Türkiyə ilə münasibətlərin normallaşdırılmasına ümid edir”.

O, bəzi qüvvələrin Ermənistan hakimiyyətini həddən artıq qərbpərəst, ya da rusyönümlü kimi təqdim etməyə çalışdığını bildirib: “Həmin qüvvələr bu hərəkətləri ilə regionumuzda vəziyyəti de-stabilləşdirmək istəyirlər”.

Paşinyan Rusiyanın ilə münasibətlərin strateji xarakter daşıdığını və bu dəstəyə görə, ölkəsində iqtisadi böhranın olmadığını söyləyib.

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90