“Urmu gölünün builki vəziyyəti bu zamanına görə yaxşıdır”.
Bunu Busaat.az-a açıqlamasında urmulu gənf fəal Mehdi Sərvəri Urmu gölünün durumiundan danlışarkən deyib.
Bununla belə, onun sözlərinə görə, ancaq gölün durumu hələ də çox həssasdır.
Müsahibimiz qeyd edib ki, gölə əlavə su vurulmalıdır:
“Əgər belə olsa, Urmu gölünün durumu yaxşı olacaq”.
“Məsud Pezekşianın prezident seçilməsindən sonra bu sahədə hansısa ciddi addımların atılacağını gözləyirsinizmi” sualına Mehdi Sərvəri “Pezeşkian andiçmə mərasimindən sonra kabineti formalaşdıracaq. Yeni kabinetin tərkibi bilinəndən sonra bu sahədə necə addım atılacağını proqnozlaşdırmaq olar” deyə cavablandırıb.
Xatırladaq ki, Urmu gölü İranın Şərqi və Qərbi Azərbaycan vilayətlərinin ortasında yerləşir. Sahəsi təxminən 6 min kv. km olan gölün 70 faizi 50 il ərzində tamamilə quruyub və şoranlığa çevrilib.
Gölün suyu 1995-ci ildən azalmağa başlayıb. Artıq Urmu gölünün ərazisi çox kiçilib və 5 adanın ətrafındakı su tamamilə quruyub. Mütəxəssislər duz fırtınalarının baş verəcəyi halda bunun insanların sağlamlığına, təsərrüfata xeyli ziyan vuracağı barədə dəfələrlə xəbərdarlıq ediblər.
