Məzmuna keç
  • Azeri Light98.79 $▲0.03%
  • Brent neft90.41 $▼2.23%
  • WTI neft84.35 $▼0.46%
  • Avropa qazı (TTF)82.47 €▼3.53%
  • Təbii qaz (ABŞ)3.237 $▲2.37%
  • Qızıl3 749 $▼1.00%
  • Gümüş45.21 $▼1.31%
  • Pambıq81.04 ¢▼0.41%
  • Buğda602.25 ¢▼0.50%
  • Bitcoin63 990 $▼1.36%
  • Ethereum1 793 $▼1.65%
  • S&P 5007 341▼1.07%
14°Bakı
  • USD1.7000
  • EUR1.8681▼0.0026
  • 100 RUB2.0687▲0.0081
  • GBP2.2436▲0.0009
  • TRY0.0337
  • AED0.4628
  • CNY0.2550
  • GEL0.6553▼0.0003
  • 100 KZT0.3830▲0.0009
  • UAH0.0376▲0.0001
  • 100 JPY1.0681▲0.0003
  • CHF2.0230▼0.0017
  • USD1.7000
  • EUR1.8681▼0.0026
  • 100 RUB2.0687▲0.0081
  • GBP2.2436▲0.0009
  • TRY0.0337
  • AED0.4628
  • CNY0.2550
  • GEL0.6553▼0.0003
  • 100 KZT0.3830▲0.0009
  • UAH0.0376▲0.0001
  • 100 JPY1.0681▲0.0003
  • CHF2.0230▼0.0017
Cəmiyyət

“Polisdə olmuşam, amma narkotik satmağa görə saxlanılmamışam” - Millimizin sabiq üzvü

image-158993_avxym2cj4o
Xəbərlərimizi Google-da izləyinYeniliklərdən dərhal xəbərdar olunAbunə ol

Xəbər verdiyimiz kimi, Bakının Sabunçu rayonunda yanvar ayının əvvəlindən keçirilən əməliyyatlar zamanı narkotik vasitələrin qanunsuz dövriyyəsi ilə məşğul olan 40 nəfər saxlanılıb və onların arasında sərbəst güləş üzrə gənclər arasında dünya çempionu, Bakı-2017 İslam Oyunlarının, Minsk-2019 Avropa Oyunlarının qalibi Mahir Əmiraslanov da olub. Daha sonra o, sərbəst buraxılıb və barəsində polisin nəzarəti altına vermə qətimkan tədbiri seçilib. 

Busaat.az “Qafqazinfo”ya istinadən xəbər verir ki, bu xəbərlərdən sonra instaqram hesabında canlı yayım edən idmançı isə tutulmasını təkzib edib.

“Yazıblar ki, guya Suraxanı, Mehdiabad, Mərdəkanı narkotiklə mən təmin edirəm”

O bildirib ki, yazılanlar şər-böhtandır: “Mənim 4 kq narkotiklə tutulduğum barədə xəbərlər var. Guya polis məni saxlayan zaman üzərimdə psixotrop maddələr və digər narkotik növləri olub. Bilirsiniz ki, 4 kilo narkotiklə tutulan biri azadlıqda ola bilməz. Necə bir oyun olduğunu bilmirəm. Narkotiklə indiyə qədər heç bir əlaqəm olmayıb. Yazıblar ki, guya Suraxanı, Mehdiabad, Mərdəkanı narkotiklə mən təmin edirəm. Bunların hamısı şər-böhtandır, yalandır. Əgər deyilən qədər narkotiklə tutulmuşamsa, polis evimə gələrdi, yoxlayardı. Amma mən günlərdir ailəmlə birlikdəyəm, evimdəyəm və heç yerə getməmişəm. Düzdür, polisdə olmuşam, amma narkotik satmaqla saxlanılmamışam. Başqa məsələ olub. Məşqlərimi də edirəm, idmanla məşğul oluram. Məqsədim odur ki, bu xoşagəlməz söhbətlərə son qoyum. Hamı bilir ki, illərdir güləşdə əziyyət çəkib medallar qazanıram. Qazandığım medallara görə dövlət mənə kifayət qədər yaxşı mükafatlar verib. Uğurlarıma görə qazandığım pullar özümə bəs edir. Niyə mən narkotik satmalıyam? Düzdür, vaxti ilə səhvlərim olub. Buna görə də hər kəsdən üzr istəmişəm. İndi məqsədim Azərbaycan bayrağını başımın üzərində dalğalandırmaq, yeni uğurlar qazanmaqdır”.

Güləş Federasiyasından açıqlama

Qeyd edək ki, Azərbaycan Güləş Federasiyasının mətbuat xidməti Mahir Əmiraslanov barədə açıqlama verərək onun yığmadan kənarlaşdırıldığını bildirib: “Məşqçilər heyəti və federasiya bir neçə dəfə intizamsızlığına görə onu cəzalandırıb, hətta yığmadan uzaqlaşdırıb. Nizam-intizam kodeksinə əməl etmədiyi üçün onun barəsində bu cür qərar verilib”.

MüəllifBusaat Media Group

Xəbəri paylaş

busaat.az/?p=69899