“Polşa silah və hərbi texnika alışını artırmağa davam edir”.
Busaat.az xəbər verir ki, bu barədə respublikanın milli müdafiə naziri Vladislav Kosiniyak-Kamış jurnalistlərə bildirib.
Nazirin sözlərinə görə, Polşa hakimiyyət orqanları bu yaxınlarda əsasən ABŞ və Cənubi Koreya ilə silah tədarükü üzrə rekord müqavilələr bağlayıb. Söhbət döyüş təyyarələri və helikopterlərdən, zirehli texnikalardan, top və raket artilleriya sistemlərindən, hava hücumundan müdafiə sistemlərindən və sursatlardan gedir.
Nazir bildirib ki, dünən o, kəşfiyyat imkanlarını artıracaq passiv radarlar üçün mühüm müqavilə imzalayıb və gələn həftə “Wisla” proqramının ikinci mərhələsi üçün rabitə sistemləri ilə bağlı daha bir müqavilənin imzalanması planlaşdırılır. O, əlavə edib ki, “Luchnik” müəssisəsi ilə yeni “Grot” karabinləri və “Rosomak” zirehli transportyorları – mindən çox avtomobil üçün də müqavilələr imzalanıb.
Gələn il üçün Polşa 200 milyard zloti (təxminən 55 milyard dollar, ölkənin ÜDM-nin 4,8%-i) həcmində rekord hərbi büdcə planlaşdırıb.
Yeganə
