Rusiya prezidenti Vladimir Putin azərbaycanlı həmkarı İlham Əliyevlə Bakı, İrəvan və Moskva arasında üçtərəfli sazişlərin icrasını müzakirə edib.
Busaat.az xəbər verir ki, Rusiya və Azərbaycan prezidentləri sonuncu dəfə noyabrın 26 və 22-də telefonla danışıblar.
Liderlər üçtərəfli sazişlərin icrası, Ermənistan-Azərbaycan sərhədində təhlükəsizliyin təmin edilməsi və Cənubi Qafqazda nəqliyyat əlaqələrinin bərpası məsələlərini də müzakirə ediblər.
“Rusiya, Azərbaycan və Ermənistan liderləri arasında 2020-ci il 9 noyabr, 2021-ci il 11 yanvar və 26 noyabr və bu il oktyabrın 31-də imzalanmış sazişlərin həyata keçirilməsinin bəzi praktiki aspektləri, o cümlədən Cənubi Qafqazda iqtisadi və logistika əlaqələrinin bərpası planları müzakirə olunub” – deyə, məlumatda deyilir.
Kreml qeyd edib ki, gələcək təmaslar barədə də razılıq əldə olunub.
Busaat.az
