Putin Təhlükəsizlik Şurasının üzvləri ilə CİA və Rusiya kəşfiyyatı arasındakı görüşü müzakirə edəcək

Rusiya prezidenti Vladimir Putin CİA və Rusiya Xarici Kəşfiyyat Xidməti (SVR) arasında Ankarada keçirilən görüşlə bağlı Təhlükəsizlik Şurasının üzvləri ilə məsləhətləşəcək.

Busaat.az xəbər verir ki, bu barədə Kremldən açıqlama verilib.

Açıqlamaya görə, Putin Rusiya Təhlükəsizlik Şurasının üzvləri ilə görüş keçirib.

İclasın mətbuat konfransında çıxış edən Putin bildirib ki, Rusiya nümayəndə heyətləri G20 və Asiya-Sakit Okean İqtisadi Əməkdaşlıq Təşkilatındakı müzakirələrin nəticələrini müzakirə edəcəklər.

“Rusiya Xarici Kəşfiyyat Xidmətinin (SVR) rəhbəri Sergey Narışkinin amerikalı tərəfdaşı ilə Ankarada baş tutan görüşünü də müzakirə edəcəyik” – deyə, Putin bildirib.

Ermənistanın paytaxtı İrəvanda keçirilən Kollektiv Təhlükəsizlik Müqaviləsi Təşkilatının (KTMT) sammitində iştirak etdiyinə işarə edən Putin, “Həm çoxtərəfli formatda, həm də Ermənistan rəhbərliyi ilə görüşün nəticələri ilə bağlı məsləhətləşmələrə ehtiyacı olan bir neçə məsələ var. Biz bunları müzakirə edəcəyik” – deyə, əlavə edib..

Qeyd edək ki, Noyabrın 14-də Ankarada Milli Kəşfiyyat Təşkilatının (MİT) ev sahibliyi ilə Mərkəzi Kəşfiyyat İdarəsinin direktoru Bill Burns ilə Rusiya Xarici Kəşfiyyat Xidmətinin direktoru Sergey Nariskin arasında görüş keçirilib.