Rusiya prezidenti Vladimir Putin Amerika lideri Donald Trampın ondan Ukrayna prezidenti Volodimir Zelenski ilə görüş keçirməyi xahiş etdiyini bildirib.
Busaat.az bu barədə “TASS”a istinadən xəbər verir.
“Donald Tramp mümkünsə, belə bir görüşü Volodimir Zelenski ilə keçirməyimi xahiş etdi”, – deyə Rusiya prezidenti Çinə səfərindən sonra keçirilən mətbuat konfransında deyib.
O, həmçinin Ukraynadakı münaqişəyə son qoyulması üçün məqbul variant üzərində razılaşmağın mümkün olacağına əminliyini ifadə edib.
Putinin sözlərinə görə, hələ 2022-ci ildə Rusiya Ukraynaya qoşunlarını Donbassdan çıxarmağı və münaqişəni dayandırmağı təklif edib, lakin qoşunların Kiyevdən çıxarılmasından sonra Ukrayna fikrini dəyişib.
Yeganə
