Putin və Paşinyan Laçın yolu məsələsini müzakirə edib

Rusiya prezidenti Vladimir Putin və Ermənistanın baş naziri Nikol Paşinyan dekabrın 27-də Laçın dəhlizi mövzusunu ətraflı müzakirə ediblər. Rusiya regiondakı gərginlikdən narahatdır.

Busaat.az RİA Novosti-yə istinadən xəbər verir ki, bunu Rusiya prezidentinin mətbuat katibi Dmitri Peskov jurnalistlərə açıqlamasında deyib.

O qeyd edib ki, Rusiya Ermənistanla Azərbaycan arasında nizamlanmaya kömək etməkdə davam edəcək.

“Rusiya vasitəçilik səylərini davam etdirir və davam etdirmək niyyətindədir. Rusiya ilk növbədə üçtərəfli əsasda əldə edilmiş razılaşmaları yerinə yetirir” – deyə, Kreml sözçüsü bildirib.

Peskov əlavə edib ki, Rusiya tərəfi həm Yerevanla təmasda, həm də Bakı ilə təmasda öz işini və səylərini davam etdirəcək.

Busaat.az