Türkiyə Vladimir Putin və Volodimir Zelenski arasında danışıqların təşkili üçün səylərini davam etdirəcək.
Busaat.az xəbər verir ki, bu barədə prezident Rəcəb Tayyib Ərdoğan Ankarada Türk Dövlətləri Təşkilatının fövqəladə sammiti zamanı bildirib.
“Türkiyənin iştirakı ilə baş tutan taxıl sövdələşməsi və məhbus mübadiləsi göstərdi ki, Ukrayna münaqişəsində tərəflər ümumi dil tapmağa qadirdir. Biz Ukraynada ədalətli sülhün tərəfdarıyıq və mən tərəflərlə daimi təmasda olmağa davam edirəm. Mən onlar arasında danışıqların təşkili üçün səy göstərməyə davam edəcəyəm”, – Ərdoğan deyib.
Ankara dəfələrlə Rusiya ilə Ukrayna arasında danışıqlarda vasitəçi olmaq fikrini səsləndirib. Əvvəllər isə, Türkiyədə Rusiya və Ukrayna nümayəndə heyətləri arasında məsləhətləşmələr keçirilib.
Busaat.az
