Türkiyə prezidenti Rəcəb Tayyib Ərdoğan Çində Rusiya prezidenti Vladimir Putin və Ukrayna prezidenti Volodimir Zelenski ilə telefon danışığı zamanı Ukraynadakı müharibəyə son qoymağın yollarını müzakirə etdiyini, lakin tərəflərin görüşə hələ hazır olmadığını deyib.
Busaat.az xəbər verir ki, Ərdoğan Putinlə görüşdüyü Çindən qayıdarkən təyyarəsində jurnalistlərə danışıb, daha sonra Zelenskiyə zəng etdiyini bildirib.
Onun sözlərinə görə, son aylarda İstanbulda Rusiya və Ukrayna rəsmiləri arasında aparılan danışıqlar sülhə gedən yolun açıq qaldığını göstərib.
Türkiyə prezidenti sülh ümidlərini konkret nəticələrə çevirmək üçün danışıqların səviyyəsinin tədricən yüksəldilməsinin tərəfdarı olduğunu bildirib və əlavə edib ki, şərtlər hələ yerinə yetirilməsə də, istənilən təşəbbüs sonda liderlər səviyyəsində müzakirə edilməli olacaq.
Yeganə
