Xərçənglə mübarizədə qlobal tərəqqi yavaşlamağa davam edərkən, yeni bir qan testi elm aləmində diqqət çəkib.
Busaat.az xəbər verir ki, “Galleri” adlanan testin qan nümunələrindən 50 fərqli xərçəng növünü aşkarlaya biləcəyi və erkən diaqnoz prosesini gücləndirə biləcəyi deyilir.
Bununla belə, ekspertlər onun fəaliyyətində bir sıra kritik çatışmazlıqları qeyd edirlər.
ABŞ-da yerləşən Grail şirkəti tərəfindən hazırlanmış test Böyük Britaniya Milli Səhiyyə Xidməti (NHS) tərəfindən aparılan sınaqlarda istifadə olunur. Açıqlamaya görə, test müsbət nəticə verən xəstələrin yüzdə 62-nin xərçəng olduğunu müəyyən edib. O, həmçinin xərçəngi olmayan fərdlərdə xərçəngin istisna edilməsində yüksək dəqiqlik nümayiş etdirdi və 99,6 faiz həqiqi mənfi nəticə göstərdi.
Yanlış-müsbət nəticələr riski davam edir
“Pathfinder 2” adlanan sınaq ABŞ və Kanadada yaşı 50-dən yuxarı olan 23161 iştirakçı ilə aparılıb. Müsbət nəticə verən 216 nəfərdən 133-də xərçəng diaqnozu qoyulub, 83-də isə yanlış müsbət nəticələr var. Mütəxəssislər xəbərdarlıq edir ki, yanlış həyəcan siqnalları lazımsız narahatlığa və tibbi müdaxilələrə səbəb ola bilər.
Testin həssaslıq dərəcəsi 40,4 faiz səviyyəsində qalıb. Bu o deməkdir ki, bir il ərzində aşkar edilən xərçəng hadisələrinin təxminən üçdə ikisi aşkar edilmir. Tədqiqatçılar bunun xəstələrdə yalançı inam yarada biləcəyi barədə xəbərdarlıq ediblər.
Yeganə
