“Qarabağ” avrokuboklarda ən az qol buraxan komandalar sırasında

Avrokuboklarda (Çempionlar Liqası, Avropa Liqası və Konfrans Liqası) bu mövsüm ən az qol buraxan komandalar məlum olub.

Busaat.az xəbər verir ki, siyahıda “Qarabağ” da yer alıb. Ağdam təmsilçisi qrup mərhələsində keçirdiyi 4 matçda 2 qol buraxıb. Bu, komandanın 1-ci turda Almaniyada “Frayburq”a 1:2 hesabı ilə uduzduğu görüşə təsadüf edib. Qurban Qurbanovun baş məşqçisi olduğu komanda bu göstəricidə “Real”, “Çelsi”, “Bavariya” ilə birgə 7-10-cu pillələri bölüşdürür.

“Qarabağ”la eyni qrupda yer alan “Frayburq” 1 qolla “Mançester Siti”, “Arsenal”, “Real Sosyedad”la birgə 3-6-cı pillələri bölüşdürür.

Qeyd edək ki, siyahıya qapısında qol görməyən “Başakşehir” və “Brügge” başçılıq edir.