İsrailin hücumları və blokadası səbəbi ilə aclığın yaşandığı Qəzza zolağında son 24 saatda 3-ü uşaq olmaqla daha 13 nəfər aclıqdan ölüb.
Busaat.az xəbər verir ki, Qəzzadakı Fələstin Səhiyyə Nazirliyi aclıq və qida çatışmazlığından ölənlərlə bağlı son məlumatları təqdim edən yazılı açıqlama yayıb.
Açıqlamada bildirilib ki, Qəzza zolağında 2023-cü il oktyabrın 7-dən bəri aclıqdan ölənlərin sayı 361-ə yüksəlib, onlardan 130-u uşaqdır.
Birləşmiş Millətlər Təşkilatının (BMT) dəstəklədiyi İnteqrasiya edilmiş Qida Təhlükəsizliyi Faza Təsnifatı (IPC) avqustun 22-də Qəzzada aclıq elan etdikdən sonra 12-si uşaq olmaqla 70 nəfər aclıq və qida çatışmazlığından ölüb.
IPC tərəfindən dərc edilən son hesabatda deyilir ki, 15 avqust 2025-ci il tarixinə Qəzza şəhərindəki aclığın fəlakətli səviyyə olaraq bilinən 5-ci səviyyədə olduğu sübutlarla təsdiqlənib.
Yeganə
