İsrailin 7 oktyabr 2023-cü ildən etibarən Qəzza zolağına təşkil etdiyi hücumlarda ölənlərin sayı son 24 saatda 84 nəfər artaraq 64 min 231 nəfərə çatıb.
Busaat.az xəbər verir ki, Qəzzada Səhiyyə Nazirliyi yazılı açıqlamada İsrailin davam edən hücumları nəticəsində ölən və yaralananlarla bağlı son məlumatları paylaşıb.
Bildirilib ki, son 24 saat ərzində Qəzza zolağının xəstəxanalarında 84 nəfər ölüb, 338 nəfər yaralanıb. Yanvarın 19-da Qəzzada razılaşdırılmış atəşkəs rejiminin pozulmasından sonra İsrail ordusunun martın 18-dən bu yana həyata keçirdiyi hücumlarda 11 min 699 fələstinli ölüb, 49 min 542 fələstinli yaralanıb.
Qəzzada humanitar yardım gözləyənləri hədəf alan hücumlarda son 24 saat ərzində 17 fələstinli ölüb, 174 nəfər yaralanıb.
Mayın 27-dən bu yana İsrailin ABŞ-ın rəhbərlik etdiyi sözdə yardım paylama məntəqələrini hədəf alan sistematik hücumlarda həlak olan fələstinlilərin sayı 2356-ya, yaralıların sayı isə 17244-ə çatıb.
Yeganə
