“Mançester Siti”nin baş məşqçisi Pep Qvardiola komandanın norveçli hücumçusu Erlinq Haalandın tənqidini cavabsız qoymayıb.
Busaat.az xəbər verir ki, bu barədə “Goal” nəşri məlumat yayıb.
“Onun qol vurmaq üçün çox şansları var. Cərimə meydançasında beş müdafiəçiyə qarşı oynamaq daha çətindir. Bu, təkcə Haaland üçün deyil, dünyanın istənilən oyunçusu üçün belədir.
Onun əldə etdiyi şanslara və vurduğu qollara nəzər salsanız, başa düşəcəksiniz ki, o, ötən mövsümlə eyni səviyyədədir”, – Qvardiola bildirib.
Haaland 2022-ci ildən “Mançester Siti”də çıxış edir. Futbolçunun klubla müqaviləsi 2027-ci ilə qədərdir. Bu mövsüm futbolçu 11 matçda oynayıb, səkkiz qol və iki məhsuldar ötürmə edib.
