Rəsmi Tehran: Azərbaycan-Ermənistan sərhədində dəyişiklik qəbuledilməzdir

 İran Xarici İşlər Nazirliyinin sözçüsü Nəsir Kənani Azərbaycan və Ermənistan arasında baş verən insidentdən narahat olduqlarını və ölkəsinin sərhədlərdə hər hansı bir dəyişikliyi qəbul etməyəcəyini bildirib.

Busaat.az xəbər verir ki, bu barədə İran XİN rəsmi saytında məlumat dərc edib. İki ölkə arasında gərginliyin və sərhəd münaqişələrinin artması ilə bağlı narahatlığını ifadə edən Kənani bildirib ki, Azərbaycan-Ermənistan sərhədində hər hansı dəyişiklik İran üçün qəbuledilməzdir.

Tehran administrasiyasının məsələ ilə bağlı prosesləri yaxından izlədiyini qeyd edən Kenani, iki ölkənin ərazi bütövlüyünə hörmət edilməli olduğunu və problemlərin beynəlxalq hüquqa uyğun olaraq sülh yolu ilə həll edilməsinin vacibliyini qeyd edib. İran XİN rəsmisi əlavə edib ki, ölkəsi Azərbaycan və Ermənistan arasında mübahisələrin həlli üçün hər cür köməklik etməyə hazırdır.

Busaat.az