Yadplanetliyə bənzəmək üçün qulaqlarını, burun ucunu və üst dodağını cərrahi yolla götüzdürən və bütün bədənini döymələrlə örtən adamın son görüntüsü sosial şəbəkə istifadəçilərini dəhşətə gətirib.
Posta.az xarici mediaya istinadən bildirir ki, Fransada yaşayan 33 yaşlı kişi qaradərili yadplanetli kimi görünmək üçün özünü tanınmaz dərəcədə eybəcərləşdirib.
Entoni Loffredo adlı şəxs xəyal etdiyi görünüşə çatmaq üçün dəfələrlə əməliyyat masasına yatıb. O, adı çəkilən əməliyyatlardan bəziləri Fransada qanuni olmadığı üçün İspaniyaya getməli olub. Əməliyyatlardan sonra danışmaqda çətinlik çəkməyə başlayıb.
İyirmi yaşlarında mühafizəçi işləyərkən arzuladığı həyata sahib olmadığını, aid olmadığı bir bədəndə doğulduğunu başa düşdüyünü deyən Entoni bu gün dünya mətbuatında böyük əks-səda yaradıb.
“LadBible TV”yə danışan fransalı yeni halına görə tənqidlərlə üzləşdiyini və həyatının çətinləşdiyini bildirib. Görünüşünə görə iş tapmaqda çətinlik çəkdiyini etiraf edən Entoni restoran və kafelərə də buraxılmadığını vurğulayıb:
“Restorana gedəndə ofisiant gəlib deyir ki, mən orada yemək yeyə bilmərəm. Bədən modifikasiyası insanı yaxşı hiss etdirir, amma onun qaranlıq tərəfi də var”.
“Məqsədimin 44 faizinə çatmışam”, – deyən Entoni yaxın günlərdə daha bir sıra əməliyyatlar keçirməyi planlaşdırır.
