Rubionun başına iş gəldi: Təyyarəsi Münhenə enə bilmədi

Münhen Təhlükəsizlik Konfransına gedən ABŞ dövlət katibi Marko Rubionun təyyarəsi mexaniki nasazlıqlara görə Vaşinqtona qayıtmaq məcburiyyətində qalıb.

Busaat.az xəbər verir ki , bu barədə Dövlət Departamentinin sözçüsü Temmi Bryusa istinadən “Reuters” məlumat yayıb.

“Dövlət katibi Almaniya və Yaxın Şərqə səfərini başqa təyyarə ilə davam etdirmək niyyətindədir”, – Bruce deyib.

Marko Rubionun ABŞ-ın vitse-prezidenti J.D.Vens ilə Ukrayna prezidenti Vladimir Zelenski arasında fevralın 14-də Münhen Təhlükəsizlik Konfransı çərçivəsində keçirilməsi planlaşdırılan görüşə qatıla bilməyəcəyi hələlik məlum deyil.

ABŞ rəsmisinin sözlərinə görə, mexaniki problem kabinənin ön şüşəsindəki çatla bağlı olub. Təyyarə havaya qalxdıqdan 90 dəqiqə sonra geri qayıdıb və Endryus Hərbi Hava Qüvvələri bazasına təhlükəsiz eniş edib. ABŞ prezidenti Donald Tramp daha əvvəl yüksək səviyyəli ABŞ rəsmilərinin Münhen Təhlükəsizlik Konfransı çərçivəsində Rusiya rəsmiləri ilə görüşəcəyini və Ukrayna tərəfinin də həmin görüşə dəvət edildiyini açıqlamışdı. Kiyev isə görüşdə iştirakdan imtina edib.