“Rus əsgəri nə qədər xoş münasibət görsə, erməni o qədər silahlanacaq” - EKOLOQ AÇIQLADI

“Sülhməramlı belə olmur”.

Bunu rus sülhməramlılarının Qarabağda ekoloqların fəaliyyətinə maneə yaratmasına münasibət bildirən “Biosfer” İctimai Birliyinin sədri Qorxmaz İbrahimli Busaat.az-a açıqlamasında deyib.

O, bildirib ki, sülhməramlılar Qarabağda sülhü təmin etmir:

“Onlara sülhməramlı demək düzgün deyil. Sülhməramlı belə olmur. Üçtərəfli sazişə xoş münasibətlə razılıq verdik. Lakin rus əsgərləri xoş münasibət göstərmir və Qarabağda özbaşınalıq edir. Azərbaycan proseslərə sərt reaksiya göstərir”.

Ekoloq bölgədəki özbaşınalıqlara qarşı atılacaq addımlara toxunub: “Belə hal yaşamamaq üçün sərt tədbir görülməlidir. Başqa çıxış yolu yoxdur. Azərbaycan Respublikası sərt mövqeyini ortaya qoymaldır. Rus əsgəri nə qədər xoş münasibət görsə erməni terrorçuları o qədər çox silahlanacaq. Qışda başımıza nə gələcəyi bilinmir. Provokasiyaya əl ata bilərlər. Bu baxımdan Azərbaycan qəti addımlarını davam etdirməlidir”.

Busaat.az/Ələsgər