““Azovstal” kombinatının ərazisində blokadada qalmış ukraynalı hərbçilər və “Azov” alayının döyüşçüləri təslim olmağa davam edirlər”.
Busaat.az “TASS”a istinadən xəbər verir ki, bunu Rusiya Müdafiə Nazirliyinin rəsmi nümayəndəsi general-mayor İqor Konaşenkov deyib.
“Ötən sutka ərzində 29-u yaralı olmaqla 694 ukraynalı döyüşçü təslim olub”, – deyə məlumatda vurğulanıb.
Konaşenkov qeyd edib ki, ümumilikdə mayın 16-dan bu günə qədər 80-ni yaralı olmaqla 959 döyüşçü təslim olub. Bildirilib ki, onlardan 51-i “Donetsk Xalq Respublikası”nda xəstəxanaya yerləşdirilib.
