Moskvanın Taqanski rayonunun magistratı “Pinterest” xidmətini Rusiya qanunlarını pozmaqda təqsirli bilib.
Busaat.az xəbər verir ki, şirkətə 2 milyon rubl məbləğində inzibati cərimə kəsilib, bu barədə məhkəmənin mətbuat xidməti bildirib.
Pozunma, Rusiya Federasiyasının İnzibati Xətalar Məcəlləsinin 20.25-ci maddəsinin 1-ci hissəsinə uyğun olaraq məsuliyyətə cəlb etmək üçün əsas olan müəyyən edilmiş müddətdə inzibati cərimənin ödənilməməsindən ibarətdir.
Xatırladaq ki, avqustun 27-də Taqanski Məhkəməsi “Twitch” və “Pinterest” sosial şəbəkələrinin sahiblərini məsuliyyətə cəlb edərək, onlara 71,7 milyon rubl məbləğində cərimə kəsmişdi. Bildirilib ki, “Twitch Interactive, Inc.” və “Pinterest Inc. Rusiya Federasiyasının İnzibati Xətalar Məcəlləsinin 13.49-cu maddəsinin 2-ci hissəsində nəzərdə tutulmuş xarici şəxslərin Rusiya Federasiyasının ərazisində İnternetdə fəaliyyəti haqqında qanunun tələblərini pozur.
Qeyd edək ki, “Pinterest” istifadəçilərin fotoşəkil kolleksiyalarını paylaşdığı böyük Amerika foto hostinq saytıdır.
Yeganə
