Rusiya ehtiyacı olan ölkələrə aşağı qiymətə taxıl təklif etməklə yeni asılılıqlar yaradır və qlobal ərzaq təhlükəsizliyinə qarşı oynayır.
Busaat.az xəbər verir ki, bu barədə Avropa İttifaqının xarici işlər və təhlükəsizlik siyasəti üzrə ali nümayəndəsi Jozep Borrel inkişaf etməkdə olan 20 ölkənin hökumətlərinə göndərdiyi məktubda deyilir.
“Bütün dünya tədarük problemlərinə və qiymət artımına qarşı mübarizə apararkən, Rusiya ən həssas ölkələrə taxılın aşağı qiymətlərlə satılması üçün ikitərəfli razılaşmalar təklif edir və özünün yaratdığı problemi həll edirmiş kimi göstərir”, – Borrell bildirib.
O, Moskvanın hərəkətlərini “yeməkdən qəsdən yeni aslılıq yaratmaq üçün silah kimi istifadə edilən rüsvayçılıq siyasəti” adlandırıb.
Onun sözlərinə görə, Aİ ərzaq böhranının qarşısını almaq üçün qəsdən Rusiyanın üçüncü ölkələrə ərzaq tədarükünə sanksiyalar tətbiq etməyib.
Lakin bunu Rusiya özü yaradır, “taxıl müqaviləsi”nin müddətini uzatmaqdan imtina edir.
Busaat.az
