“Rusiyanın xarici işlər naziri Sergey Lavrov Astanada Azərbaycan və Ermənistanın XİN rəhbərləri ilə regional nəqliyyat əlaqələrinin açılması, Bakı və İrəvan arasında sülh müqaviləsinin bağlanması perspektivləri və digər məsələləri müzakirə edib”.
Busaat.az xəbər verir ki, bu barədə Rusiya XİN-in yaydığı məlumatda qeyd olunub.
Məlumata görə, nazirlər görüş zamanı Ermənistan-Azərbaycan münasibətlərinin normallaşdırılması ilə bağlı birgə səylər ətrafında fikir mübadiləsi aparıb və Azərbaycan, Ermənistan və Rusiya liderlərinin 9 noyabr 2020-ci il, 11 yanvar və 26 noyabr 2021-ci il tarixli bəyanatlarının bütün müddəalarına hərtərəfli riayət olunmasına sadiq olduqlarını təsdiqləyiblər.
“Yaxın zamanlarda müxtəlif səviyyələrdə üçtərəfli təmasları davam etdirməklə bağlı qərar qəbul edilib”, – məlumatda deyilir.
