Noyabrın 19-da Sankt-Peterburq şəhərində Rusiya ilə Bosniya və Herseqovina arasında yoxlama oyunu keçiriləcək.
Busaat.az Bosniya mətbuatına istinadən xəbər verir ki, bu görüş üçün Rusiya Futbol İttifaqı qarşı tərəfə 200 min avro qonorar ödəyəcək. Bundan başqa, Rusiya tərəfi qonaq komandanın yol, otel və gündəlik xərclərini də öz üzərinə götürüb.
Xatırladaq ki, FİFA və UEFA-nın sanksiyası ilə əlaqədar Rusiya komandaları qeyri-müəyyən müddətə beynəlxalq rəsmi yarışlardan kənarlaşdırlıb. Buna səbəb Rusiyanın Ukraynaya hərbi hücumudur.
