Ukrayna prezidenti Volodimir Zelenski Danimarkaya səfəri zamanı Şimal-Baltik İttifaqı ölkələri ilə Rusiyaya ciddi təzyiq tədbirlərini müzakirə edəcək.
Busaat.az xəbər verir ki, Ukrayna liderinin mətbuat xidməti belə tədbirlərin hazırlanması barədə Teleqramda məlumat yayıb.
“Biz yaxın günlərdə tərəfdaşlarımızla güclü təzyiq tədbirlərinin zəruriliyini müzakirə edəcəyik. Cəmi bir neçə saatdan sonra Danimarka, Ukrayna-Şimali Avropa və Baltikyanı ölkələr sammiti keçiriləcək”, – deyə məlumatda qeyd olunub.
Zelenski danışıqların nəticəsi olaraq görülən tədbirlərin Ukraynaya məqsədəuyğun möhkəmlənmə gətirəcəyinə əmin olduğunu bildirib.
Xatırladaq ki, Zelenski sentyabrın 3-də Danimarkanın baş naziri Mette Frederiksen ilə danışıqlar aparmaq üçün Kopenhagenə gəlib.
Yeganə
