Salzburq Universitetinin Paris Lodron Universiteti kimi tanınan Xristian Şərqinin Tədqiqat Mərkəzi Qarabağın mənəvi və mədəni irsinə həsr olunmuş birinci qrant müsabiqəsi çərçivəsində gənc alimlərə beş tədqiqat qrantı verib.
Busaat.az xəbər verir ki, sözügedən qrant proqramı Salzburq Roma Katolik Arxiyepiskopluğu tərəfindən maliyyələşdirilir.
Ermənistanın Təhsil, Elm, Mədəniyyət və İdman Nazirliyi də məlumatları təsdiqləyib.
Bu qısamüddətli qrant proqramı gənc alimlərin Qarabağ-xristian-tarixi, mədəniyyəti, arxeologiyası, incəsənəti, habelə tarix və mədəniyyət abidələri üzrə tədqiqatlarını təşviq etmək və erməni mədəni irsinin öyrənilməsinə töhfə vermək məqsədi daşıyır.
Tədqiqat layihələri Salzburq Universitetinin Ermənişünaslıq departamenti ilə sıx əməkdaşlıq və elmi məsləhətlər əsasında həyata keçiriləcək. Nəticələr gələn ilin sonunda, həmçinin Salzburq Universitetində elmi məruzələr və məqalələr şəklində yekunlaşdırılacaq.
Salzburq Universitetinin Ermənişünaslıq departamenti gənc tədqiqatçıların yaradıcı akademik layihələrini dəstəkləmək, Armenologiya, eləcə də mədəni irslə bağlı tədqiqatların fənlərarası və beynəlmiləlləşdirilməsini təşviq etmək və Qarabağın “məhv olmaqda olan” mədəni irsinin qorunmasına töhfə vermək məqsədi daşıyır.
Busaat.az
