Rusiya və Efiopiyanın xüsusi xidmət orqanları məlumat mübadiləsi aparır və təhlükəsizlik, o cümlədən antiterror fəaliyyətləri sahəsində sıx əməkdaşlıq edir.
Busaat.az xəbər verir ki, bu barədə Efiopiyanın Rusiyadakı səfiri Çam Uqala Uriat TASS-a bildirib.
Diplomatın qeyd etdiyi kimi, iki ölkə təhlükəsizlik sahəsində əməkdaşlığı gücləndirmək üçün çox çalışır.
“Somalidə Əl-Şəbab kimi bəzi terror qrupları var. Rusiya və Efiopiya Afrikada antiterror fəaliyyətləri üzərində çox yaxından işləyirlər. Biz iki təhlükəsizlik qurumumuz, yəni Rusiya və Efiopiya agentlikləri arasında məlumat paylaşırıq”, – səfir deyib.
“Bizim kəşfiyyat direktorumuz Temesgen Tiruneh Rusiya-Afrika sammiti zamanı burada idi. O, sammitdən əvvəl gəldi və Moskvada həmkarı ilə görüşdü. Biz çox yaxınıq, təhlükəsizlik sahəsində birgə işləyirik”, – deyə diplomat vurğulayıb.
