“Sülh müqaviləsi ilə bağlı təkliflərini Azərbaycana göndərdik və imzalamağa hazırıq” – Paşinyan

image-pasinyanbackend

“Azərbaycan Ermənistanı öhdəliklərini yerinə yetirməməkdə ittiham etmək cəhdlərini davam etdirir. Ancaq bu cəhdlər boş və əsassızdır”.

Busaat.az xəbər verir ki, bunu Ermənistanın baş naziri Nikol Paşinyan cümə axşamı hökumətin iclasında deyib.

“Bundan əlavə, deməliyəm ki, Ermənistan sülh müqaviləsi ətrafında öz təkliflərini Azərbaycana təqdim edib və biz bu məzmunla onu imzalamağa hazırıq. Ümid edirəm ki, Azərbaycanın da cavabı müsbət olacaq” – deyə, Ermənistanın baş naziri qeyd edib.

“Bir neçə ay əvvəl Ermənistanla Azərbaycan arasında sərhədin demarkasiyası və təhlükəsizliyi üzrə komissiyanın gələcək işi ilə bağlı Ermənistan tərəfi Bakıya öz təkliflərini təqdim edib, lakin hələlik cavab almamışıq. Ermənistan regional kommunikasiyaların bərpası ilə bağlı təkliflərini Azərbaycana çatdırıb və məsələnin dərhal həlli üçün bu yolla getməyə hazırdır. Yerevan sərhəd təhlükəsizliyinin təmin edilməsi ilə bağlı təkliflərini bir neçə ay əvvəl Bakıya təqdim etsə də, hələ ki, cavab almamışıq. Bu təkliflərə Ermənistanın işğal olunmuş əraziləri probleminin həlli də daxildir. Bizim mövqeyimiz dəyişməz olaraq qalır – Azərbaycan Ermənistanın suveren ərazilərinin işğalını dayandırmalı və qoşunları Ermənistanın suveren ərazisindən çıxarılmalıdır” – deyə, Paşinyan təxribata yol verib.

O, həmçinin vurğulayıb ki, bütün çətinliklərə və məşəqqətlərə baxmayaraq, Ermənistan hakimiyyəti hərtərəfli həll yollarına nail olmaq, sülh və sabitliyi təmin etmək üçün səylərini davam etdirir: “Biz bu missiyanın mürəkkəbliyindən nə qədər xəbərdar olsaq da, münasibətimiz və qətiyyətimiz dəyişmir”.

Busaat.az

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90