Evdə bir küncdə oturan televizorunuz həqiqətən sizi izləyirmi? ABŞ-da bir radio verilişinin aparıcısı televiziyaların göründüyü qədər günahsız olmadığını iddia edərək mübahisələrə səbəb olub.
Busaat.az xəbər verir ki, ABŞ-lı radio veriliş aparıcısı Kim Komando televizorların kompüter və ya telefon kimi düşünülməsini təklif edib.
Kompüter və telefonlardakı kamera və mikrofonların istehlakçı məlumatlarını qeyd edib topladığı iddiası illərdir ictimaiyyətdə müzakirə olunsa da, indi televiziyanın da oxşar funksiyanı yerinə yetirdiyi iddia edilir.
Bu gün bir çox smart televizorlar insanların çoxunun fərqinə varmadığı kameralarla təchiz olunub. Ekranın söndürülməsinin faydasız olduğu bu kameraları zərərsizləşdirmək üçün heç nə edilə bilməz.
Televiziyanın sizi izləməsini necə əngəlləyə bilərsiniz?
Böyük məlumatların baxış təcrübənizə təsirini minimuma endirmək ümidindəsinizsə, bu məsləhətləri sınaya bilərsiniz…
– Cihazınızın istehsalçıya geri göndərdiyi məlumatları məhdudlaşdırmaq üçün məxfilik parametrlərinizi tənzimləyin.
– Səs nəzarətini söndürün. Bu, televizorunuzun oyanan söz və ya əmrləri dinləmək üçün söhbətləri təhlil etməsinə mane ola bilər.
– Pulsuz proqramlardan və kanallardan çəkinin. Reklamlar və məlumatların toplanması çox vaxt onları dəstəkləyir.
– Axın xidmətlərinizdə və cihazlarınızda nələrə baxdığınızı düşünün.
Busaat.az
