ABŞ-nin Texas ştatında güclü yağışlar və Qvadalupe çayının daşması nəticəsində baş verən daşqında ən azı 24 nəfər həlak olub.
Busaat.az-ın məlumatına görə, bu barədə ABC telekanalı yerli hakimiyyətə istinadən xəbər verib.
Həlak olanlar arasında uşaqlar da var. Bundan əlavə, qızlar üçün yay düşərgəsindən ən azı 20 nəfər itkin düşüb.
Ştatın qubernatoru Qreq Ebbott bir sıra dairələrdə fövqəladə vəziyyət rejimi tətbiq edib və “itkin düşmüş hesab edilən hər kəsi tapmaq üçün axtarış-xilasetmə işlərinin dayanmadan aparılacağını” bildirib. Zərərçəkənlərin təxliyəsinə ABŞ Sahil Mühafizəsi də kömək edir.
ABŞ-nin Texas ştatında şiddətli yağışlar və Qvadalupe çayının məcrasından çıxması nəticəsində baş verən daşqın səbəbindən azı 13 nəfər həlak olub.
Busaat.az xəbər verir ki, bu barədə “The New York Times” qəzeti məlumat yayıb.
Qeyd olunub ki, 500-dən çox şəxs, o cümlədən yay düşərgəsindən 23 uşaq itkin düşmüş hesab olunur.
Nəşrin məlumatına görə, bölgədəki əlverişsiz hava şəraiti aparılan axtarış-xilasetmə işlərini çətinləşdirir.
