“ABŞ prezidenti Donald Tramp Slovakiya və Macarıstanın Rusiya neftini almasından narazıdır”.
Busaat.az xəbər verir ki, bunu Ukrayna prezidenti Volodimir Zelenski deyib.
“Prezident Tramp Rusiya neftinin Avropa tərəfindən alınmasından çox narazıdır. Digər şeylər arasında iki ölkə var, biz bilirik ki, bunlar Macarıstan və Slovakiyadır”, – deyə Ukrayna lideri bildirib.
Zelenski əlavə edib ki, Trampın Rusiya neftini alan Avropa ölkələrindən narazılığını ifadə etməsindən çox məmnundur.
Bundan əvvəl Ukrayna lideri ABŞ prezidenti ilə söhbət zamanı Rusiyaya təzyiqlərin artırılmasını müzakirə etdiyini bildirib. O, Moskvanın pul və resurslardan məhrum ediləcəyi təqdirdə Ukraynadakı münaqişənin həllinə nail ola biləcəyinə əminliyini ifadə edib.
Yeganə
