ABŞ prezidenti Donald Tramp yaxın vaxtlarda Rusiya prezidenti Vladimir Putinlə söhbət etmək niyyətində olduğunu bildirib.
Busaat.az xəbər verir ki, o, jurnalistlərə bildirib ki, Ukraynada müharibənin dayandırılması ilə bağlı çox yaxşı dialoq aparırlar.
Tramp daha əvvəl Ukrayna prezidenti Volodimir Zelenski və digər dünya liderləri ilə danışıb. Ağ Ev nümayəndəsinin sözlərinə görə, Amerika prezidenti Avropa ölkələrini Rusiya neftini almağı dayandırmağa və münaqişənin sona çatmasını sürətləndirmək üçün Çinə iqtisadi təzyiq göstərməyə çağırıb.
Tramp danışıqların onun gözlədiyindən də çətin keçdiyini etiraf edib:
“Mən düşünürdüm ki, daha asan olacaq. Prezident Putinlə münasibətimə görə. Amma bu iş daha çətin oldu. Onsuz da bunu edəcəyik. Razılaşmaya nail olacağıq”.
Yeganə
