“Kəpəz” Azərbaycan çempionatlarında 300-cü ev oyununu keçirib.
Busaat.az Peşəkar Futbol Liqasının rəsmi saytına istinadən xəbər verir ki, bu, Premyer Liqanın III turuna təsadüf edib.
Gəncə təmsilçisi öz meydanında “Turan Tovuz”a 0:2 hesabı ilə uduzub. 1992-ci ildən fasilələrlə ölkə çempionatında çıxış edən “Kəpəz” 300 matçda 179 qələbə qazanıb.
Öz meydanında 50 heç-heçəsi olan komanda 71 dəfə uduzub.
Qeyd edək ki, yalnız üç komanda – “Qarabağ”, “Neftçi” və “Şamaxı” doğma meydanda daha çox oyun keçirib.
