
Türkiyə Aİ-yə üzvlük danışıqlarını davam etdirmək istəyir - Mehmet Şimşək
Türkiyə Avropa Birliyinə daxil olmaq üçün danışıqları davam etdirməyə hazırdır və Aİ-dən bu istiqamətdə ilk addımları gözləyir.
Busaat.az xəbər verir ki, bu barədə Türkiyənin maliyyə və xəzinə naziri Mehmet Şimşək bildirib.
Bloomberg agentliyinin məlumatına görə, Türkiyə devalvasiyanın sürətlə artmasının yaratdığı iqtisadi problemləri həll etmək üçün daha çox xarici investisiya cəlb etməyə çalışır. Ölkənin mərkəzi bankının proqnozuna görə, bu il devalvasiya 58%-ə çatacaq.
Qeyd edək ki, Brüssel və Türkiyə Aİ-yə üzvlük danışıqlarına 2005-ci ildə başlayıb. Hazırda danışıqlarda göstərilən 35 bənddən 16-sı həllini tapmayıb.
Buna baxmayaraq, Türkiyə İttifaqın əsas iqtisadi tərəfdaşı olaraq qalır. Bu il Ərdoğan Ankaranın Aİ-yə üzvlüyünə maneələrin aradan qaldırılması müqabilində İsveçin NATO-ya qəbuluna razılıq verib.
Busaat.az























