Türkiyə İran vasitəsiylə Türkmənistandan qaz alacaq

Türkiyə ilə Türkmənistan türkmən qazının Türkiyəyə tədarükünü təmin edəcək müqavilə imzalayıb.

Busaat.az xəbər verir ki, bu barədə Türkiyənin energetika və təbii sərvətlər naziri Alparslan Bayraktar bildirib.

O qeyd edib ki, BOTAŞ ilə Türkmənqaz arasında imzalanan sənədə əsasən, qaz tədarükünün 2025-ci il martın 1-dən başlanması planlaşdırılır.

Enerji və Təbii Sərvətlər naziri Alparslan Bayraktar: “Türkiyə-Türkmənistan enerji əməkdaşlığında tarixi bir addım atdıq. Türkmən qazının ölkəmizə gəlməsini təmin edəcək BOTAŞ ilə Türkmənqaz arasında müqavilə imzaladıq”, yazıb.

Nazir Bayraktar X-in açıqlamasında, “Türkiyə-Türkmənistan enerji əməkdaşlığında tarixi bir addım atdıq. Türkmən qazının ölkəmizə gəlməsini təmin edəcək BOTAŞ ilə Türkmənqaz arasında müqavilə imzaladıq”, yazıb.

O, açıqlamasında yazıb:
“Bu gün biz təbii qaz sahəsində əməkdaşlığımızın inkişafı üçün keçən ilin mart ayında Antalyada prezidentimiz R.T.Erdoğan və Türkmənistanın Xalq İşləri üzrə Prezidenti Qurbanqulu Berdiməhəmmədovun iştirakı ilə imzaladığımız anlaşma memorandumunun konkret nəticəsini əldə etdik.”

Müqavilə çərçivəsində qaz axınının 2025-ci il martın 1-dən başlanması planlaşdırılır. “Uzun illərdir üzərində işlədiyimiz bu müqavilə ilə iki ölkə arasında strateji əməkdaşlığı daha da inkişaf etdirməklə yanaşı, ölkəmizin və regionumuzun təbii qaz təchizatı təhlükəsizliyini gücləndirəcəyik”.

Müqavilədə göstərilən qaz həcmi haqda məlumat verilmir.

Qaz Türkiyəyə İran ərazisindən svop üsulu ilə çatdırılacaq. Bu barədə Türkmənistan Xalq Şurasının sədri Qurbanqulu Berdiməhəmmədov İran prezidenti Məsud Pezeşkianla telefon danışığı zamanı bildirib.