Türkiyədə zəlzələ nəticəsində azı 23 nəfər xəsarət alıb
Türkiyənin şərqindəki Malatya vilayətində baş verən zəlzələ nəticəsində azı 23 nəfər xəsarət alıb.
Busaat.az türk mediasına istinadən xəbər verir ki, bu barədə ölkənin səhiyyə naziri Fahrettin Koca məlumat yayıb.
Onun sözlərinə görə, bir neçə Malatya sakini zəlzələ nəticəsində evlərinin uça biləcəyindən qorxaraq panikaya düşüb və pəncərədən atılıb.
Qeyd edək ki, Malatyada yerli vaxtla saat 21:00 radələrində (Bakı vaxtı ilə 22:00) 5,2 bal gücündə yeraltı təkan qeydə alınıb.
Zəlzələnin episentri 441 min nəfərin yaşadığı Malatya şəhərindən 11 km cənub-qərbdə, ocağı isə 11 kilometr dərinlikdə yerləşib.
