Türkiyənin müdafiə naziri Yaşar Gülər azərbaycanlı həmkarı Zakir Həsənovu telefon danışığı zamanı Qarabağda əməliyyatın uğurla başa çatması münasibətilə təbrik edib.
Busaat.az xəbər verir ki, bu barədə Azərbaycan Müdafiə Nazirliyinin mətbuat xidməti məlumat yayıb.
“Gülər Azərbaycanın müdafiə nazirini antiterror tədbirlərinin uğurla başa çatması münasibətilə təbrik edib və Türkiyənin hər zaman olduğu kimi Azərbaycanın yanında olduğunu bildirib”, – məlumatda deyilir.
Müdafiə Nazirliyindən verilən xəbərə görə, Azərbaycan rəsmisi Azərbaycanın Qarabağ bölgəsində bütün istiqamətlərdə yerli antiterror tədbirləri zamanı əldə olunan hərbi uğurlar barədə operativ məlumat yayıb.
“Telefon danışığı zamanı qarşılıqlı maraq doğuran bir sıra digər məsələlər ətrafında da ətraflı fikir mübadiləsi aparılıb”, – Müdafiə Nazirliyi əlavə edib.
