Ukrayna Silahlı Qüvvələrinin Baş Qərargahı (AFU) hava reydləri zamanı mobil internetə çıxışın tam və ya qismən məhdudlaşdırılması imkanını nəzərdən keçirir.
Busaat.az xəbər verir ki, bu barədə “Obşçestvennoye” nəşri məlumat yayıb.
“Belə tədbirlərdə bir məqam var. Bunun nə dərəcədə zəruri olması konkret vəziyyətdən və şəraitdən asılıdır. Ona görə də bəzi hallarda PUA-ların fəaliyyətini məhdudlaşdırmaq üçün mobil internetin sürətini azaltmaq məsləhət görülə bilər”, – deyə nəşrin Ukrayna Silahlı Qüvvələrinin Baş Qərargahındakı həmsöhbəti bildirib.
Onun sözlərinə görə, bu cür məhdudiyyətlər kameralarla təchiz edilmiş dronlara qarşı effektiv ola bilər, çünki onların işləməsi üçün yüksək sürətli məlumat ötürülməsi tələb olunur. Eyni zamanda, kameraları olmayan dronlar bu cür tədbirlərdən praktiki olaraq təsirlənməyəcək.
Bundan əvvəl məlum olub ki, Ukrayna Silahlı Qüvvələri komandanlığı Rusiya tank ekipajlarını məhv etdiyinə görə, hərbçilərə mükafat və həvəsləndirmə sistemi tətbiq edib.
Yeganə
