“Ukrayna öz ərazilərini Rusiya prezidenti Vladimir Putinə verməyəcək”.
Busaat.az xəbər verir ki, bu sözləri Ukrayna prezidenti Volodimir Zelenski Danimarkanın baş naziri Mette Frederiksenlə keçirdiyi mətbuat konfransında bildirib.
Zelenski qeyd edib ki, heç kim Putinə güvənmir:
“Bəziləri üçün bu, sadəcə bir ərazidir, amma bizim üçün bu, həyatımızdır, tariximizdir, Konstitusiyamızdır. Bunlar evlərdir, bunlar ailələrdir, bunlar Ukrayna üçün çox həssas cəhətlərdir”.
Onun sözlərinə görə, ərazilərin mübadiləsi şəklində vahid və ağlabatan yanaşma yoxdur:
“Putin dəfələrlə yalan danışıb, ona görə də ona etibar edib ərazilər verə bilmərik.
Bu, bizim müdafiə xəttimizin çox güclü hissəsidir”.
O, qeyd edib ki, Rusiya prezidenti daha da irəli gedərsə, ona illər lazım olacaq.
“Neçə il bilmirəm, amma illər keçəcək. Siz başa düşürsünüz ki, burada sual təkcə illərlə bağlı deyil, təkcə zamanla bağlı deyil. Burada sual ondan ibarətdir ki, o, milyonlarla əsgəri yerə qoymalı olacaq. Ona görə də biz ona belə hədiyyələr verməyəcəyik”, – deyə Ukrayna prezidenti bildirib.
Yeganə
