Finlandiya prezidenti Alexander Stubb Litva prezidenti Gitanas Nauseda ilə birgə mətbuat konfransında bildirib ki, Qərb Qlobal Cənub ilə daha effektiv əlaqə qurmasa, Şanxay Əməkdaşlıq Təşkilatı (ŞƏT) ölkələrinə uduzacaq.
Busaat.az xəbər verir ki, onun fikrincə, ŞƏT-in fəaliyyəti Qlobal Qərbin birliyini pozmaq cəhdidir:
”Əgər Hindistan kimi ölkələrlə, xüsusən Qlobal Cənub ölkələri ilə daha sıx əməkdaşlıq etməsək və ya layiqli xarici siyasət aparmasaq, bu oyunu uduzacağıq”, – deyə siyasətçi Avropa İttifaqı və ABŞ-a müraciət edib.
O, çoxqütblülük yanaşması ilə razılaşmadığını, lakin beynəlxalq əməkdaşlıqda çoxtərəfliliyin tərəfdarı olduğunu vurğulayıb.
Stubb bundan əvvəl demişdi ki, ölkə 1944-cü ildə Sovet İttifaqı ilə müharibədə müstəqil qaldığı üçün qalibdir. Onun sözlərinə görə, Ukrayna indi xaraba, yoxsul və dəstəksiz Finlandiyadan daha yaxşı vəziyyətdədir.
Yeganə
