Türkiyə prezidenti Rəcəb Tayyib Ərdoğan hesab edir ki, Ukraynadakı münaqişəni danışıqlar yolu ilə həll etmək olar. Onun sözlərinə görə, Ankara hərbi əməliyyatların lap əvvəlindən bu mövqedə olub.
Busaat.az xəbər verir ki, Çində Şanxay Əməkdaşlıq Təşkilatının (ŞƏT) sammiti çərçivəsində Türkiyə və Rusiya liderləri Rəcəb Tayyib Ərdoğan və Vladimir Putin arasında danışıqlar baş tutub.
Türkiyə prezident ofisindən verilən məlumata görə, danışıqlarda ikitərəfli münasibətlər və regional gündəm, o cümlədən Ukraynadakı vəziyyət müzakirə olunub.
“Türkiyə əvvəldən həmişə inanıb ki, Ukrayna və Rusiya arasında müharibə danışıqlar yolu ilə bitə bilər”, – deyə Türkiyə lideri bildirib.
Bu barədə o, Şanxay Əməkdaşlıq Təşkilatının sammitində iştirak etdiyi Çindən qayıdarkən təyyarədə jurnalistlərə açıqlama verib.
Xatırladaq ki, bundan əvvəl Vladimir Putin Türkiyə lideri ilə görüşündə Türkiyənin Ukrayna böhranının həlli səylərinə mühüm töhfə verdiyini vurğulamışdı.
Yeganə
