““Tr” və “dr” tələffüzü ilə məşqlər uşağa “r” səsini mənimsəməyə kömək edəcək”.
Busaat.az xəbər verir ki, bu barədə Moskvanın Təhsil və Elm Departamentinin Şəhər Psixoloji-Pedaqoji Mərkəzinin loqopedi Larisa Artyuşevskaya danışıb.
O, bildirib ki, uşaq müəyyən bir səsi tələffüz etməkdə çətinlik çəkdikdə, nitqin tələffüz tərəfindəki pozuntuları düzəltmək lazımdır:
““R” ən çətin tələffüz edilən səslərdən biridir. Lakin uşaqların bir çoxu beş yaşına kimi bu səsi mənimsəyir. Valideynlər mütəmadi olaraq uyğun sözləri təkrarlamaqla övladının tələffüzünün formalaşmasına kömək edə bilər. Başqa bir yol isə “tr” və “dr” birləşmələrindən istifadə edərək uşağı öyrətməkdir. Beş yaşdan yuxarı bir uşaq hələ də “r” səsini tələffüz etməyi öyrənməyibsə, mütəxəssislə əlaqə saxlamaq vacibdir”.
Busaat.az
