Azərbaycan prezidenti İlham Əliyev və Ermənistan Baş naziri Nikol Paşinyan Rusiyada görüşə bilər və Rusiya prezidenti Vladimir Putinin iştirakı ilə üçtərəfli danışıqlar təşkil edilməsi ehtimalı var.
Busaat.az xəbər verir ki, bu barədə “Vedomosti” qəzeti məlumat yayıb.
Qəzetin məlumatına görə, bu istiqamətdə müzakirələrə Putinin səyi ilə başlanılıb. Belə ki, Putin Oktyabrın 14-də Qazaxıstanın paytaxtı Astanada Ermənistan və Azərbaycan arasında ərazi mübahisələri barədə müzakirələrdən sonra barışdırıcı müraciət edib və tərəflər arasında danışıqların vacibliyinə diqqət çəkib.
Bundan başqa, qəzetdə danışıqların Oktyabr ayının son günlərində baş tuta biləcəyi qeyd olunub. Əsas məkan Moskva və Soçi göstərilib. Ancaq qəzet qeyd edib ki, görüş böyük ehtimalla Soçidə keçiriləcək.
Busaat.az
