Venesuela höküməti ABŞ-yə qarşı bəyanat yayıb

Venesuela hökuməti ABŞ-nin elan etdiyi yeni sanksiyaların ölkə vətəndaşlarını hədəf aldığını və bu qərarlara boyun əyməyəcəklərini bəyan edib.

Busaat.az “BBC”yə istinadən xəbər verir ki, bu barədə hökumət öz saytında bəyanat yayıb.

Bəyanata əsasən, hökumət ABŞ-nin hakim partiyaya yaxın yüksək səviyyəli şəxslərə qarşı sanksiyalarını pisləyib.

“Bu, eqoist, səhv və çarəsiz bir hökumətin hərəkətidir. Biz bunu ABŞ-nin öz uğursuzluğu və daxili sosial böhranını gizlətmək cəhdi kimi görürük. ABŞ bu sanksiyalarla ölkəsindəki daxili problemləri ört-basdır etməyə çalışır”, – bəyanatda vurğulanıb.

Qeyd edək ki, ABŞ Venesuelanın daha 21 rəsmisinə, o cümlədən Nazirlər Kabinetinin üzvləri, səlahiyyətli orqanlar və kəşfiyyat xidmətlərinin əməkdaşlarına qarşı sanksiya tətbiq edib.

Zeyd Bağırzadə