Vətən müharibəsi şəhidi Toğrul Hacıyevin atası vəfat edib.
Busaat.az xəbər verir ki, şəhidin atası Siyavşah Hacıyev yaşadığı Göyçay rayonunda dünyasını dəyişib. Onun xəstəlik səbəbindən vəfat etdiyi bildirilib.
Qeyd edək ki, 1991-ci ildə Göyçayın Çayarxı kəndində anadan olan Toğrul Siyavşah oğlu Hacıyev 2020-ci il oktyabrın 25-də Xocavənd döyüşləri zamanı şəhid olub. 2 azyaşlı atası olan şəhid Göyçay rayonunda dəfn olunub. Ölümündən sonra “Vətən uğrunda”, “Cəbrayılın azad olunmasına görə”, “Füzulinin azad olunmasına görə”, “Cəsur döyüşçü” medalları ilə təltif edilib.
