“Xidmət etdikləri ərazinin Azərbaycana aid olduğunu qanmalıdırlar” - AÇIQLAMA

“Rus sülhməramlıları lazım gəldikdə bizim suallarımızı cavablandırmalıdırlar”.

Bunu azərbaycanlı jurnalistlərlə rus sülhməramlıları arasında yaşanan konfliktə münasibətini bildirən Azərbaycan Jurnalistlər Birliyinin sədri Elçin Şıxlı Busaat.az-a açıqlamasında deyib.

O bildirib ki, xidmət etdikləri ərazilərin Azərbaycana aid olduğunu rus sülhməramlılarına izah etməliyik:

“Məhz bu kəliməni söyləyirəm, onlara qandırmaq lazımdır ki, Qarabağ Azərbaycanın ərazisidir. Dövlət dəstəyi ilə jurnalistlər işğdaldan azad olunmuş torpaqlara tez-tez səfər etməlidir. Həmin yerlərdən reportajlar, keçirilən görüşlərdən müsahibə hazırlanmalıdır. Jurnalist fəaliyyətinə heç kəs mane ola bilməz. 100 dəfə belə olsa bu torpaqlara səfər edib rus sülhməramlılarına xidmət etdiyi ərazinin Azərbaycana olduğunu bildirməliyik. Bizim torpaqlarımızdadırlar, lazım gəldikdə bizim suallarımızı cavablandırmalıdırlar”.

Busaat.az/Ələsgər